Dili, 16/03/2024, Melatih Tennis Club organiza Kompetisaun Junior hodi komemora loron Policia Nasional Timor-Leste (PNTL) ba dala XXIV, kompetisaun refere hetan apoiu husi PNTL no TimorTelecom no kompetisaun ne’e partisipa husi atleta Tenis hahu husi idade 10, 12, 14, 16, 18 no grupu Tenis Social.
Iha abertura Presidente Melatih Tenis Club Sr. Jose Carceres hato’o agradecimentu ba PNTL tamba apoiu ona Melatih Club hodi organiza kompetisaun Tenis no husu atu kooperasaun ne’e bele kontinua iha tempu oin wainhira PNTL celebra ninia loron.
Nune’e mos Presidente Federasaun Tenis do Kampo Timor-Leste Sr. Angelo Moniz Vong hato’o mos agradecementu ba PNTL tamba apoiu ona Klubu Melatih atu organiza kompetisaun ba atleta Junior sira hodi prepara ba eventu CPLP cup ne’ebe sei halao iha 2025.
Representa Komisariu PNTL Sr. Arquimino Ramos iha diskursu konvida mos atleta Tenis atu partisipa iha kompetisaun nebe’e organiza husi PNTL no husu atu atleta sira treinu ho didiak hodi bele partisipa iha eventu internasional sira nomos prepara ba CPLP cup.
Kompetisaun Tenis do Kampo ne’e sei halao durante loron 10 hahu husi 16/03/2024 too 29/03/2024 no partisipa husi atleta tinan 10/12/16/18 no equipa Social.
Bom sucesu ba atleta sira ho kompetisaun ne’e bele enkoraja atu treinu diak liu tan, Bravo Tenis do Kampo Timor-Leste.
REMATA!
@MediaFETTIL
