Dili, 22 Junhu 2024, Federasaun Tenis do Kampo Timor-Leste (FETTIL) abertura kompetisaun nacional 2024 nebe hetan apoiu orsamentu husi Ministerio Juventude Desporto e Arte Cultura (MJDAC) no hetan doasaun mos husi Hotel Timor no Individual balun nebe’e lakoi temi naran.
Iha diskursu Presidente FETTIL Sr. Angelo Moniz Vong agradece ba MJDAC, Hotel Timor no Invididu sira nebe’e ajuda ona hodi realiza Kompetisaun Nacional ida ne’e, Presidente FETTIL mos hato’o relatoriu badak kona ba atividades ne’ebe FETTIL jere mak hanesan programa TLKT no JTI nebe hetan doasaun husi ANZ, Canberra Friends of Dili no Rotary.
Iha kompetisaun Nacional ne’e sei partisipa husi Clubu 2 mak hanesan Jospat Bebonuk no Melatih Liceu ho ninia kategoria mak hanesan Junior husi idade U8, U10, U12, U14, U16 U18, equipa Social, Senior sira iha Open no Veteran ho idade mais 50.
Iha abertura ne’e hetan partisipasaun husi Diretor Geral Desporto MJDAC, Representante PNTL, Representante CDTL, mestre/a no alunus husi EBC Fatol no EBF Vila-Verde nebe durante nee partisipa iha programa Timor-Leste Kids Tennis (TLKT) no Junior Tennis Initiative (JTI).
Kompetisaun nee sei halao durante semana 3 nia laran no planu sei remata iha semana daruak fulan Junhu.
@MediaFETTIL
