FETTIL, 18/03/2023, Lansamentu Junior Tennis Initiative (JTI) Program
Junior Tennis Initiative (JTI) nudar programa ida nebe inisia husi International Tennis Federation (ITF) no implementa husi Federasaun Tennis Timor-Leste liu husi klubu Tennis nebe’e existe mak hanesan Melatih Tennis Club liu husi entrega equipamentus Treinamentu mak hanesan bola, raket, no seluk-seluk tan.
Antes entrega equipamentus sira ne’e dahuluk Treinador ba Programa JTI Sr. Armindo da Costa enkoraja treinando Junior sira husi tinan 10 – 18 atu utiliza equipamentus sira ne’e ho didiak no mos husu apoiu inan aman atu suporta sira nia oan hodi badinas tuir treinamentu.
Husi biban ne’e Presidente Melatih Tennis Club Sr. Jose Carceres husi diskursu hato’o agradecimentu ba FETTIL nebe apoiu ona equipamentus sira ne’e no promete atu utiliza ho didiak.
Nune’e mos Sr. Angelo Vong nudar Presidente Federasaun Tennis Timor-Leste (FETTIL) fo mensajen katak equipamentus sira ne’e doasaun husi ITF no sei utiliza ba Programa JTI no husu atu utiliza ho didiak atu nune’e bele dura iha tempu naruk no FETTIL mos sei organiza eventu kompetisaun entre tinan 10 too tinan 18 iha tempu besik.
Equipamentus sira ne’e sei rai iha Melatih Tennis Club no uza hodi foka ba treinamentu Programa Junior Tennis Initiative (JTI) nian nomos bele programa sira seluk nebe’e trasa husi FETTIL.
@MediaFETTIL
